MISIONI
Ne punojmë me njerëzit dhe institucionet për qytetin si organizëm dhe ndërtesën si veçanti funksionale e këtij organizmi. Për qytetin në nivel institucional angazhohemi në trajtimin dhe menaxhimin e hapësirave publike dhe me arkitekturën si nën-disiplinë e trajtimit dhe lindjes se ndërtesës. Ne orvatemi që të vëmë një baraspeshë në mes arkitekturës teknike dhe asaj filozofike. Në punët tona, shkathtësitë teknike – jetojnë në harmoni të plotë me filozofinë artistike. Që nga viti 2012 kur u themelua CO-DESIGN si Studio Alternative për Arkitekturë dhe Dizajn Urban, e deri më sot ne jemi të lidhur ngushtë dhe të preokupuar me zhvillimet në këto dy disiplina. Ofrojmë ekspertizën tonë për individ dhe institucione në fushat që ne i mbulojmë.
Projekti i fundit
STUDIO JONË
“CO-DESIGN” - studio alternative e arkitekturës dhe dizajnit urban ka një staf arkitektësh me seli në Prishtinë dhe Gjakovë, që ia dedikon suksesin e saj prioriteteve të caktuara qartë dhe punës së palodhshme dhe tejet serioze grupore. Ofrojmë shërbime me mundësi e zgjidhje të pa fundme artistike, arkitektonike dhe urbanistike brenda filozofisë së CO-DESIGN si mentalitet profesional. Shërbimet tona përfshijnë këto fusha: Arkitekturë, Dizajn Urban, Dizajn Interieri, Dizajn Industrial dhe Dizajn Grafik. Ne, përgjatë rrugëtimit deri tek bashkimi në bashkëpunimin me emrin CO-DESIGN kemi qenë të angazhuar në një sërë projektesh të natyrave të ndryshme Urbane dhe Arkitektonike. Vizionar dhe të talentuar në koncept, planifikues të kujdesshëm, të pa gabueshëm në llogaritjet investive dhe transparent në menaxhimin e projektit – këto katër kompetenca janë vlera e shtuar e secilit prej arkitektëve tanë. Që nga viti 2012, studioja jonë është zhvilluar dhe rritur në mënyre dinamike, falë punës së palodhshme grupore, përdorimit të metodave inovative në planifikim të suksesshëm dhe të pa kompromise në mirë-trajtimin e projekteve të ndryshme.